Gorka Ripodas mendi korrikalariak Tor des Geants lasterketa entzutetsuan bizitako esperientzia eta bertan hartutako irudiekin osatutako proiekzioa erakutsiko du gaur, abenduaren 13an, larunbatean, Altsasuko Iortia Kultur Gunean, 19:00etatik aurrera. Altsasuko Mendigoizaleak eta Altsasuko Udalak antolatu dute hitzaldi-proiekzioa.
Tor des Geants Frantzia eta Italia artean dagoen Aostako bailaran antolatzen den mendi lasterketa famatua da, Courmayeur hasiera eta helmuga dituena, 330 km-ko proba eta 24.000 metroko desnibel positiboa duen proba izugarria.