Olatzagutiko porlandegian Cementos Portland Valderrivasek (CPV) aurrera eraman nahi duen egitasmoaren inguruan informazio-bilera antolatu du Ergoienako Udalak. Erraustegiaren kontra dagoen Hiru Mugak Batera plataformako ordezkariek 19:30ean emanen dituzte azalpenak. Hondakinen balioztatzea sustatu duen enpresako ordezkarien txanda 21:00etan izanen da. Informazio bilera Lizarragako kontzeju etxean izanen da.