Etxarri Aranazko Gazte Asanbladak antolatuta, bihar Haurren Egune ospatuko da. 11:00etarako jarri diete hitzordua txikienei, haiendako propio jokoak izanen baitira. Jokoen ondoren, 12:30ean Bordetxe abere zirkoa izanen dute txikiek. Arratsaldean, berriz, Andra Mari ikastolak antolatutako bikotekako krosa jokatuko da. Lasterraldien ondoren, 18:00etan, Irrien Lagunak-ek Euskararen taupadak ikuskizuna eskainiko dute. Despeditzeko, 20:00etan, haurrendako auzatea izanen da.