Orain arte domekan egiten ziren ospakizunak larunbatera aldatu dituzte iturmendiarrek. Eta, gainera, egitarauan berrikuntzak sartu dituzte. Aurrena, herri bazkaria izanen dela. Aitzkozar elkarteak hartuko ditu bazkaltiarrak 14:30ean. Horren ondoren, mozorrotuen kalejira izanen da, 18:00etan. Haren akaberan mozorro lehiaketa dago. 19:00etan, berriz, txokolate jana iragarri dute. Eta 19:30etik aurrera pintxo-potea izanen da Ximona gaztetxean eta Aitzkozar elkartean.
Ihote-ospakizunak asteartean izanen du segida Iturmendin. 20:00ak aldera, jitomotxorroak kalera atera eta kalejira zaratatsua eginen dute. Aitzkozar elkartean 22:00etan eginen den afariarekin despedituko dute ihotea.
