Sakanako Garapen Agentziak turismo arloan hainbat egitasmo landu zituen joan den urtean. Barne lan horren fruitua jendaurrean aurkeztu nahi du orain. Sektoreari eta interesa duen guztiari zabaldu dio asteazkeneko bilera irekira joateko gonbidapena. Sakanako Turismo plana, Sakanako marketing plana, Sakanako Donejakue bidea / Ibilbide zikloturista, Sakanako xendak eta bestelako egitasmoen berri emanen dute. Haiek garatzeko emandako urratsak eta nondik norakoak azalduko dituzte.
Izena ematea
Aldez aurretik egitea eskertu du antolakuntzak, furbitarte@sakanagaratzen.com helbidera idatziz.