Enrique Villarrealek Demasiado tonto en la corteza diskoa aurkezteko bira El Drogas Rhythm & Blues Band formatuarekin osatu du. El Drogasek eta bandak rhythm and bluesean, jatorri amerikarreko rock and rolla eta soinu elektroakustikoagoak dituen errepertorioarekin etorriko da Olatzagutira bihar.
Zazpi musikari igoko dira eszenatokira: Brigi Duke (bateria), Eugenio Aristu, El Flako, (baxua eta koroak), Txus Maravi (gitarrak), German San Martin (teklatuak), Selva Baron (koroak), Patricia Greham (koroak) eta Enrique Villarreal, El Drogas, (ahotsa, armonika eta gitarra akustikoa eta elektrikoa). El Drogasen azken diskoko kantekin batera Barricadaren eta Txarrenaren doinuak eskainiko dituzte. Riff erraz eta rokanroleroekin batera, teklatuak eta koroak, kantu ezagunei bestelako dimentsioa emateko.
Larunbatean, 20:00etan Olatzagutiko kultur etxean.