Finantza krisiaren ondorioz finantza sektorean aldaketa ugari izan dira. Nabarmenetako bat bankuen artean izan den kontzentrazio prozesua. Duela zazpi urte 60 bat ziren merkatuan lehiatzen ari ziren banku eta kutxak; gaur egun, berriz, 20 bat dira. Horrek bulegoen itxierak ekarri ditu. Sakanan ere izan dira halakoak, adibidez, CaixaBankek CAN bereganatu zuenean, Altsasuko bulegoa itxi zuten (2012ko udazkena). Abenduaren 11n itxi zituen ateak Etxarri Aranazko Banco Popularraren bulegoak, 1975eko irailetik zabalik zegoena.
Gaur egun finantza erakundeek 23 bulego dituzte Sakanan. Fusio prozesuen ondoren zazpi bulego besterik ez dira kutxenak, 4 Laboral Kutxarenak eta 3 Rural Kutxarenak. Gainontzeko bulegoak banku handienak dira. Eta guztien buru CaixaBank da. CANen negozioa bereganatu ondoren bulego bakarra izatetik zortzi izatera pasa da. Bina bulego dituzte ibarrean Sabadell-Guipuzcoanok, Santanderrek eta Popularrek. Bana, berriz, BBVAk eta Kutxabank-ek.
50 urte
Ilbeltzean bost hamarkada bete ditu Laboral Kutxak Altsasun duen bulegoa. Kutxa horrek Nafarroan zabaldu zuen aurreneko bulegoa da.
Herria Finantza erakundeen bulegoak
Irurtzun Banco Popular, Banco Sabadell-Guipuzcoano, CaixaBank, Laboral Kutxa, Rural Kutxa.
Uharte Arakil CaixaBank, Rural Kutxa.
Lakuntza CaixaBank, Laboral Kutxa.
Arbizu CaixaBank.
Etxarri Aranatz CaixaBank, Laboral Kutxa.
Urdiain CaixaBank.
Altsasu BBVA, Banco Popular, Banco Santander, Banco Sabadell-Guipuzcoano, CaixaBank, Kutxabank, Laboral Kutxa, Rural Kutxa.
Olatzagutia Banco Santander, CaixaBank.
Bulego kopurua
CaixaBank 8
Laboral Kutxa 4
Rural Kutxa 3
Banco Popular 2
Banco Sabadell-Guipuzcoano 2
Banco Santander 2
BBVA 1
Kutxabank 1
Guztira 23
