Guaixe astekariak martxoaren 13an 500. zenbakia argitaratuko du. Mugarri horretara iritsita astekaritik sakandarrei gonbitea luzatu zaie: Guaixe-ko azalak sortzea. Nork berea. Eta edozein teknikarekin eginak: ordenagailua, collagea, koloretako margoak… Astekarian argitaratuak ikusi nahiko lituzketen albisteak jaso daitezke azal horretan, beti ere, pertsona eta erakundeei dagokien errespetua gordez.
Azal proposamenak martxoaren 9rako, astelehena, 9:00etarako bidali beharko dira gutunak@guaixe.net helbidera. .JPG edo PDF formatuan izan beharko dute, A4 tamaina eta 200 ppp-ko erresoluzioarekin gutxienez. Azalaren egile edo egileek izen-abizenak gaineratu beharko dituzte. Jasotako azal onenak martxoaren 13ko Guaixeko zenbakian argitaratuko dira. Azal guzti guztiak egun horretan bertan www.guaixe.eus-en ikusgai izanen dira.