Altsasu. Altsasu-Ainzoain-Altsasu 115 km-ko ibilbidea eginen dute Barranka Txirrindulari taldeko errepide atalekoek. 08:00etan, suhiltzaileen paretik.
Uharte Arakil. Aralarko trikuharriak ezagutzeko ibilaldi erraza. Erreserbak: Mirua, actividades de naturaleza, info@mirua.com edo 608 560 369 telefonora hots eginez. Irteera dataren bezperako 18:00ak arte. 10:00etatik 13:00etara. Aralarko santutegiko turismo informazio gunean 09:45ean.
Altsasu. 50. Otadiko Kristo Deuna Pilota Torneoko 1. jardunaldia. Altsasuko Kirol Elkartea SDAk eta Pilotajaukuk antolatuta. 21:30etan, Burunda pilotalekuan, .
Ihabar. Antzerki taldearen antzezlanaren emanaldia. 22:00etan, plazan.
Irintarrek aurten festei buruzko batzarra egin dute. Herritarrek ospakizunaren datak izan zen batzarrean aztertu zutena. Agorrilaren 29 da San Juan Lepomoztuaren eguna, Irañetan festa eguna. Egun hori kontuan izanik antolatzen dira herriko festak. Hainbat irintarrek kezka zuten batzuetan iraila hasiera hartzen duelako, hala suertatzen den urtetan ikasleengan eta irakasleengan eragina duelako. Irintarrek batzarrean erabaki zuten festak iraileko egunik ez hartzea. Aurten hala izanen da, gaurtik igandera.
Horixe dira lakuntzarrek aurretik dituztenak. Herriko festetarako kaleak eta argiteria berritzeko lanak despedituta, haiek musteko modua izanen da ospakizuna. Udalak herriko hainbat talderekin batera antolatutako festa egitarauak 72 ekitaldi jaso ditu eta 29.955 euroko aurrekontua du.
Gaurtik astelehen iluntzera erroztarrak festetan izanen dira. Festa giroaz gozatu nahi dutenek Errotzetik pasatzeko aukera izanen dute.