Ilbeltzaren 28an, asteartea, 18:30ean, Touré Detektibea. Eleberritik telesailara hitzaldia emanen du Jon Arretxe idazleak, Etxarri Aranazko liburutegian, Pamplona Negra ekimenaren barruan. Carlos Erice izanen da aurkezlea; sarrera librea da edukiera bete arte. Pamplona Negra nobela beltzaren inguruan Baluarten egiten den jardunaldi bat da, eta egitasmoaren barruan Nafarroako liburutegietan zenbait hitzaldi eta jarduera antolatzen dituzte ere, tartean Arretxek Etxarri Aranatzen eginen duena.
Ilbeltzaren 28an, asteartea, 18:30ean, San Saastin festen balorazio batzarra deitu dute, Lakuntzako udaletxean.
Ilbeltzaren 28an, asteartea, 19:00etan, Iortia zabalgunean, Burunda frontoia zabaldu eta obrak gelditu orain! lelopean elkarretaratzea deitu dute. Burunda pilotalekuaren eta Iortia kultur gunearen artean, lokomotoraren eta estalpearen artean, frontoia txikia egiteko lanekin hasi dira, eta Burunda frontoia zabaltzearen aldeko eta eraikitzen ari diren frontoi beriaren kontra hainbat herritar protestak egiten ari dira, tartean pankartak jarri eta antolatutako elkarretaratzea.
Otsailaren 2ra arte Stop genozidioari! eskultura erakusketa izanen da, Altsasuko Iortia kultur gunean. Artistak Genozidioaren Aurkak eta Eskuahaldunak Eskultoreen Elkarteak antolatu dute erakusketa. 50 eskulturgilek lan bana egin dute, artearen bidez kontzientzak pizteko eta "bizitza eta justizia defendatzeko". Erakusketa igandetik ostegunera 17:30etik 19:45ra eta larunbatean 19:00etatik 20:00etara bisita daiteke, kultur guneko erakusketa aretoan.
Martxoa | ||||||
---|---|---|---|---|---|---|
al | ar | az | og | ol | lr | ig |
1 | 2 | |||||
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
31 |