Otsailaren 7an, ostirala, 19:00etan, hilabeteko lehenengo ostiralero bezala, Olatzagutiko irakurle taldea bilduko da. Oraingoan Pierre Lemaitre idazlearen Vestido de novia liburua izanen dute mintzagai.
Otsailaren 7an, ostirala, Lesbosko errefuxiatuen inguruko Exopía film dokumentalaren emanaldia izanen da, 18:30ean, Hiriberri Arakilgo kontzeju etxean. Filmaren ondoren errefuxiatu eremuetan boluntario izandakoen solasaldia izanen da. Sinopsia: Hasierako ideia Muxutrock musika taldeak errefuxiatuen akanpaleku batean kontzertu bat ematea izan zen, baina ezin izan zuten. Hortaz, Iruñeko aktibista taldeak Europara Atenastik eta Lesbos uhartetik iristen diren errefuxiatuen errealitatea erakusten dute; musikaz, emozioz, minaz eta itxaropenaz betetako bidai bat. Zuzendaria: Aritz Gorostiaga.
Otsailaren 7an, ostirala, Garfek antolatutako eta Irurtzungo Udalak babestutako Plis Plas kopako pilota partidak izanen dira, Irurtzungo frontoian.
Otsailaren 7an, ostirala, 19:00etan, Ana Goitia umoregilearen Katana bakarrizketa izanen da, Etxarri Aranazko kultur etxean, Irrizikloa egitasmoaren barruan. Sarrerak Etxarri Aranazko Udalaren webgunean eros daitezke, 8 eurotan. Hiru bakarrizketalari izanen dira Etxarri Aranazko Kultur zerbitzuak antolatu duen programaren barruan: otsailaren 7an, Ana Goitia; martxoaren 14an, Antton Telleria, eta apirilaren 11n, Joxe Aldasoro etxarriarra. Zozketa: Ana Goitiaren Katana bakarrizketarako bi sarrera
Santa Agedarekin bat eginez, Bakaikuko, Iturmendiko, Urdiaingo, Altsasuko eta Olatzagutiko kintoen ospakizunak izanen dira egunotan.
Otsailaren 5ean mustuko dute Begoña Rastrillaren margolan erakusketa Pikuxar tabernan, eta otsailaren bukaerara arte ikusgai izanen da: "Zuen atseginerako, indarrez eta kolorez, nire barrenetik ateratko inspirazioa".
Otsailaren 5etik 23ra Altsasu Institutuan sortutako Artekleta: Bizikletari bide Iortia kultur gunearen erakusketa aretoan izanen da ikusgai. Erakusketan hainbat artista sakandarrek bizikleta batekin artelan bat sortu dute, besteak beste, ikastetxera joateko bidegorria aldarrikatzeko.
Otsailaren 7an eta 8an, ostirala eta larunbata, kintoen ospakizunetan, kontzertuak antolatu ditu Olatzagutiko Gazte Asanbladak, Maisuenea gaztetxean. Ostiralean Armando Barullo eta Los Tirris flamenko taldeak izanen dira, 23:00etatik aurrera, eta larunbatean Bidean erromeria izanen da, 23:00etatik aurrera, Olatzagutiko gaztetxean. Otsailaren 6an betikinto-en afaria izanen da.
Martxoa | ||||||
---|---|---|---|---|---|---|
al | ar | az | og | ol | lr | ig |
1 | 2 | |||||
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
31 |