guaixe.eus

Udalak haur hezitzaileen lan-poltsa sortuko du

  Gizartea  Altsasu

Txirinbulo haur eskolan haur hezitzailearen lanpostuan aldi baterako kontratazioaren bidez aritzeko Altsasuko Udalak izangaien zerrenda osatuko du. Lan-poltsak 3 urteko iraupena izanen du: 2017ko garilaren 1etik 2020ko garagarrilaren 30era arte. Eskabideak maiatzaren 19ra arte aurkeztu daitezke Altsasuko udaletxean.

Interesa duten pertsonek honako baldintzak bete beharko dituzte: Haur Hezkuntzako goi mailako teknikariaren titulua, Haur Hezkuntzako maisu-maistren lanbidean aritzeko gaitzen duen graduko titulua edo Haur Hezkuntzako espezialitateko maisu-maistren titulua edo horren baliokidea izatea; 18 urte beteta izatea; aisialdiko begiralea izateko titulu homologatua edukitzea; EGA titulua edo baliokidea (titulaziorik eduki ezean, euskara proba gainditu beharko da (Hizkuntz Eskola Ofizialeko C1 maila); Nafarroako Enplegu Zerbitzuan lan eskatzaile gisa edo lan hobekuntzarako inskribaturik egotea, maiatzaren 19ko 14:00ak baino lehen, sexu-izaerako delituen ziurtagiri negatiboa eta elikagaiak erabiltzeko ikastaroa (kontratazioa egin aurretik). Udalaren web orrian daude deialdiari buruzko argibide guztiak.

Erantzunak

Erabiltzailearen aurpegia Erantzuna | #1

Kaixo, Lehen Hezkuntzako gradua balio du? Gaur egun Haur Hezkuntza ikasten ari naiz.
Mila esker

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa

Laguntzaileak