Lehen Hezkuntzako 5. eta 6. mailan eta DBHn seme-alabak dituzten gurasoei zuzendutako tailerra antolatu du Irurtzun aldeko Oinarrizko Gizarte Zerbitzuen Mankomunitateak Atakondoako guraso elkartearekin batera. Nerabezaroa eta drogen kontsumoaren prebentzioa tailerra eskolan izanen da, maiatzeko astearteetan (9, 16, 23 eta 30ean), 15:30etik 17:00etara. Saioen gidaria Pakita Mateos izanen da, Agipad, drogen abusuaren ikerketa eta prebentziorako Gipuzkoako elkarteko kidea. Lau saioetan honako gaiak landuko dira: nerabezaroa eta drogen erabilera; nerabezaroan drogen kontsumoen prebentzioan arauek duten garrantzia; familiaren jarrera drogen aurrean. Nola jokatu seme-alaben lehenengo kontsumoen aurrean eta heziketa, prebentzioa da.