Gaur da San Migel eguna eta egun horrekin, atzera ere, Aralarko santutegia fededunen eta sainduari debozioa diotenen topagune bihurtuko da. Aralarko Deun Mikel Goiaingeruaren kofradiak jakinarazi duenez, 9:00etan, 10:00etan eta 11:00etan meza isilak izanen dira. 12:30etakoa izanen da meza nagusia. Eta 18:00etan, berriz, meza isila izanen da. Sainduaren eguneko elizkizun bakoitzaren ondoren fededunek aingeruaren irudia gurtzeko aukera izanen dute. Gainera, goiz guztian apaizak aitorlekuetan izanen dira, hala nahi dutenen aitortzak entzuten.
San Migel, egun handia Aralarren
2015ko ira. 29a, 07:45
