Iruñeko Gotorlekuko Ganbaran ikusgai dago Artea Oinez 2015 erakusketa. Nafarroa Oinezen baitan antolatutako erakusketa ostiralean zabaldu zen eta maiatzaren 3ra arte izanen da ikusgai. 59 artisten lanek osatzen dute erakusketa. Haien artean lau sakandar daude. Jose Ramon Andak Ilargi zeharkatua urtutako brontzez egindako eskultura (2002-2009) du ikusgai. Mikel Okiñenak Eskutitza, beltzean patinatutako brontzezko eskultura (2008). Txuspo Poyok, berriz, Zuhaitz etxearen eraikuntza argazkia (2008) eman du erakusketarako. Azkenik, Dora Salazarren Menina kobrezko harizko eskultura (2001) dago ere. Iruñea eta gero erakusketa Elizondoko Arizkunenean izanen da ikusgai, maiatzaren 6tik 21era.
Lau sakandar Artea Oinez 2015 erakusketan
2015ko api. 14a, 18:27
