guaixe.eus

Burunda Saria ate joka

  Kirola  Altsasu

Apirilaren 23an jokatuko da kadeteen mailako lasterketa, Altsasun

Burunda Saria ate joka
Burundakoek antolatuko dute proba. | Ikusi handiago | Argazki originala

Apirilaren 23an, igandearekin, jokatuko da XXX. Burunda Txirrindulari Elkartea Saria, kadeteen mailako lasterketa eta izenak dioen bezala, Burunda klubak antolatutako proba.

Kadeteek goizeko 11:00etan ekingo diote ibilbideari. 63 km izanen dituzte aurrez aurre. Hasieran Zegamako bidegurutzera joko dute, handik buelta hartu, Altsasutik pasa eta Olaztirantz egiteko. Ziordiaraino iritsiko dira, han buelta hartu eta Bakaikuraino iritsiko dira, bertan buelta hartu eta, atzera ere, Ziordiraino joateko. Buelta hartuta, Olaztin sartu eta Altamira portua igotzeari ekingo diote. Altamira jaitsita, Iturmendiraino iritsiko dira, bertan buelta hartu eta Altsasuko udalaren parean dagoen helmuga izango dute helburu txirrindulariek.

Burunda Sarian, jakina, Sakanako bi txirrindularitza klubetako txirrindulariek hartuko dute parte, Aralar klubeko Intersport Irabia taldeko eta Burunda klubeko Quesos Albeniz klubeko txirrindulariak, hain zuzen.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa

Laguntzaileak