Altsasuko Udaleko Berdintasun zerbitzuak martxoaren 8an Emakumeen Egunaren harira antolatutako Isilarazi matxismoa egitarauaren barruan eta Gazteria zerbitzuak antolatuta, martxoaren 15ean, ostirala, 18:00etatik 20:00etara, Biolentzia estetikoak hitzaldia izanen da, Iortia kultur gunean. Hizlaria Berhezi elkarteko kide bat izanen da, eta hitzaldia euskaraz eta doan izanen da. Gazte eta helduendako bideratutako hitzaldia da.
Bestetik, gazte agendarekin jarraituz, martxoaren 16an, larunbatean, txapelketak eginen dituzte Intxostiapunta gazte gunean, 18:00etatik aurrera.