Arakildarren arteko harremanak sustatu asmoz, Arakilgo Udalak kultur irteera antolatu du. Maiatzaren 4an, larunbata, izanen da eta Lizarra hobeki ezagutzeko aukera eskainiko du. 10:30ean hasten da, ibarretik Lizarrarantz abiatuko dira. 11:30ean Lizarrako Alde Zaharrean gidatutako bisita izanen dute. 13:00etan, berriz, Karlismoaren museoa libreki bisitatzeko aukera izanen da. 14:00etarako dago jarrita bazkaltzeko ordua. 16:30etik aurrera Lizarran nork bere alde ibiltzeko aukera izanen du, bueltarako ordua iritsi arte, 18:00etan.
Lizarra ezagutu nahi dutenek apirilaren 29ra arte dute izena emateko. Horretarako, 948 500 101 edo 634 584 226 telefono zenbakietako batera hots egin dezakete. Bestela, info@arakil.net edo arakilkultura@gmail.com posta elektronikoko helbideetako batera idatzi.