Arrano Beltza plazaren erdian 26 metro luzeko maiatza zutik da astelehenaz geroztik. Kintoek pago enborra Aitzondotik herrira ekartzeaz eta zuritzeaz arduratu ziren. Pagoak, berez, 26 metro luze zituen, baina basoan 4 metroko zatia kendu zioten. Behin plazan zegoela, beste metro bat kendu zioten, makurra zegoelako. 21 metro luzeko pagoari 5 metroko pinua lotu zioten muturrean eta 60 bat iturmendiarren artean jaso zuten. Lana ongi egiteko lasaitasunez hartu zuten, ordu batean maiatza zutitzea lortuz.