Euskararen Gizarte Erakundeen Kontseiluaren Nafarroako mahaiak deituta, Iruñeko Anaitasuna kiroldegian ekitaldia eginen da hilabete barru, apirilaren 25ean. Nafarroan euskararen aldeko proposamenak aurkeztuko dituzte han. Data horri begira, hilabete lehenagotik balkoietan Euskaraz bizi nahi dut ikurrak balkoietan jartzeko deialdia egin du Kontseiluak. Ikurra edo banderola ez dutenek Sakanako euskalgintzako eragileei eska diezaiekete. Bestela, Iruñean AEK-ko Iruñezar edo IKAko Campion euskaltegietan eskuratu daitezke, hiru euroren truke. Azkenik, Kontseiluak agendan Anaitasunako ekitaldirako tartea egitea eskatu du.
Partekatu
Ikurra jarri ondoren sare sozialetan #ap25aNAHItasuna traola erabiliz partekatzea eskatu du Kontseiluak. Bestela, nafarroakoeuskalgintza@gmail.com helbidera bidaltzea.
Euskaraz bizi nahia agerian
Kontseiluak Euskaraz bizi nahi dut ikurrak balkoietan jartzeko deia egin du.