Quesos Albeniz taldeko junior taldeko bost txirrindulariak "oso gogotsu" daudela dio Iker Gomezek. "Uste dut aurten ere maila egokia emango dugula". Altsasuarrarendako urte gakoa da aurtengoa, jubenilen azken urtea duelako. Quesos Albenizekin eta Nafarroako eta Espainiako selekzioekin "lan ona" egin nahi du.
Iker Gomez Lopez de Goikoetxea altsasuarrak denboraldiko garaipenen kutxa Altsasuko 38. Udaberriko Sariarekin mustu zuen.
