Urriaren 25ean, ostirala, Iluntze akustikoa programaren emanaldia izanen da, Irurtzungo Iratxo elkartean. 19:00etatik aurera Imanol, Andrea, Haizea eta Enararen kontzertua izanen da.
Urriaren 26an, larunbata, Primital Brothers ahots laukotearen, soinu onomatopeikoen bidez umorez eta musikaz beteriko emanaldia emanen du, 19:00etan, Olatzagutiko kultur etxean. Ikuskizunak 2019ko Avignongo Antzerki Jaialdian publikoaren musika ikuskizun onenaren saria jaso zuen. Olaztiko kontzerturako sarrerak 6 eurotan eros daitezke, aurretik erosita, Olaztiko Udaleko webgunean edo kultur etxean, eta 8 eurotan egunean bertan kultur etxeko txarteldegian.
Urriaren 27an, igandea, Baizera funk taldearen kontzertua izanen da, 19:00etan, Irurtzungo kultur etxean, Bira Nafarroan Barna Nafarroako Gobernuko Kultura sailak sustatutako programaren barruan.
Urriaren 31n, osteguna, Lituaniako Vilniusko Kivi Children's Choir abesbatzaren kontzertua izanen da, 19:30ean, Irurtzungo San Martin de Tours elizan, Nafarroako Nazioarteko XXIX. Ziklo Koralaren barruan. Abesbatzako zuzendaria Danguole Aukseliene da. Nafarroako Abesbatzen Elkarteak antolatzen du Nazioarteko Ziklloa eta Munduko Abesbatzen 30 kontzertu emanen dituzte Nafarroan barna.
Azaroaren 1ean, ostirala, Kanaria Handiko Vallesecoko Los Paperos parrandaren eta Altsasuko Trasteando taldearen kontzertua izanen da, 19:30ean, Iortia kultur gunean. Sarrerak 10 eurotan eros daitezke, Iortia kultur gunearen webgunean eta txarteldegian.
Azaroaren 2an, larunbata, Sakanako Haize Berriak bandaren eta Garikoitz Mendizabal txistulariaren kontzertua izanen da, 19:00etan, Iortia kultur gunean. Banadako bazkideek sarrerak Iortia kultur guneko txarteldegian eros dezakete, 3 eurotan, eta sarrera arruntak 5 eurotan eros daitezke, txarteldegian eta kultur guneko webgunean.
Azaroaren 8an, ostirala, Baobabs Will Destroy Your Planet euskarazko indie taldearen kontzertua izanen da, 22:00etan, Etxarri Aranazko kultur etxean, Bira Nafarroan Barna Nafarroako Gobernuaren Kultura sailaren programaren barruan.
Azaroaren 9an, larunbata, Sakanako Berrialagunek, Sakanako Mankomunitateak eta Altsasuko Udalak urteroko emanaldia antolatu dute; aurtengo esperientzia Ianire Aranzaberen kontzertu bat izanen da.