Martxoaren 20an, asteazkena, Arantxa Urretabizkaiaren solasaldia izanen da, Altsasun; apirilaren 22an, astelehena, Xabier Mendigurenek eta Jon Arratibelek Etxarri Aranatzen aurkezpena eginen dute, eta apirilaren 26an, ostirala, Miren Agur Meabe Uharte Arakilen izanen da.
Martxoaren 19an, asteartea, Naia Carlosekin literatur solasaldia antolatu dute, eta maiatzaren 22an, asteazkena, Iratxe retolazarekin. Udazkenean beste bi saio eginen dituzte. Helburua, besteak beste, herritarrek, eta, bereziki, emakumeek feminismoarekin lotutako gaiak lantzea da, literaturaren eta hausnarketa partekatuaren bidez.