Eduki hau partekatzeko esteka arbelera kopiatu da.
Altsasuko Mendigoizaleak elkarteak 48. Bargagainerako igoera antolatu du datorren iganderako. Urtero bezala, elkartearen finalista eguna ospatuko dute bertan. 38.a izanen dute aurtengoa. Suziriak emanen dio hasiera igoerari goizeko 9etan. Ordu erdiko igoeraren ondoren, lan erdiak eginak dituztela, hamaiketako ederra izanen da gazteluan. Barga gainera iritsita, meza izanen dute 11etan. Haren akaberan, 12etan, finalistek iaz egindako lanak ospatuko dituzte otamen gozoarekin eta zortzikoekin. 13:30 aldera despedituko dute festa eta, inguruak garbitu ondoren, Altsasurako bidea hartuko dute.