Altsasuko Mendigoizaleak elkarteak 49. Bargagainerako igoera antolatu du iganderako, uztailaren 19rako. Urtero bezala, elkartearen finalista eguna ospatuko dute bertan, 49. edizioa baita ere.Suziriak emanen dio hasiera igoerari goizeko 9:00etan. Ordu erdiko igoeraren ondoren, lan erdiak eginak dituztela, hamaiketako ederra izanen da gazteluan. Barga gainera iritsita, meza izanen dute 11:00etan, eta haren akaberan, 12:00etan, finalistek iaz egindako lanak ospatuko dituzte otamen gozoarekin eta zortzikoekin. 13:30 aldera despedituko dute festa eta, inguruak garbitu ondoren, Altsasurako bidea hartuko dute.