Nafarroako Gobernuaren, Sunsundeguiko zuzendaritzaren eta langileen ordezkaritzaren bilera egitekoa da aurki. Mahai gainean Kataluniako Altair enpresak lantegia bideratzeko prestatu duen bideragarritasun plana izanen da. Aurrera eginen badu mahaira biltzen diren 3 aldeen oniritzia beharko du. Irailaren 10ean aurkeztu zion Sodena enpresa publikoak bideragarritasun plana enpresa batzordeari (UGT 5, ELA 4, LAB 3 eta independente 1). Besteak beste jasotzen da: hilaren 22an bukatzen den enplegu erregulazio espedientea luzatzea; momentuz kaleratzerik ez izatea; langileek konpromisoa izatea malgutasun eta emate datak betetzea edota zuzendaritza taldean gobernuko konfiantzazko pertsonak sartzea. Hala ere, guztia hurrengo bileran zehaztuko da. 276Langile ditu Sunsundeguik.