Altsasuko tabernek ordu bat beranduago itxi ahalko dituzte ateak aurrerantzean. Nafarroako Gobernuak agorrilaren 23ko bilkuran hartu zuen erabakia. Gobernuak jarritako baldintzak Altsasuk betetzen ditu: 8.500 biztanle baino gutxiago ditu (2009-01-01ean 7.623) eta herrian ez dago diskotekarik. Zenbait udalen eskaerari men egin die, beraz, Nafarroako Gobernuak. Aurrerantzean tabernek 4:30ean ixteko aukera izanen dute. Kafetegiek gehienez ere 1:30era arte egon daitezke zabalik. Horretaz gain, udalek herrietako festetan, eguberrietan eta Aste Sainduan tabernen ordutegia zabaltzeko aukera dute.