Arnasa hartu dute Altsasun, larunbatean lehen garaipena lortu baitzuten Iruñean, Lezkairu taldearen kontra. Partida hasi eta berehala, 4. Minutuan, Alvarok Altsasu aurreratu zuen, baina 5 minutu beranduago berdintzea lortu zuen Lezkairuk. Horrela joan ziren atsedenaldira, eta bigarren zatian Altsasuk oso ongi aprobetxatu zituen Lezkairuko defentsak egindako bi akats, Alvaro eta Daviden golen kontura 1-3 aurreratuz. Altsasuk asko borrokatu eta presionatu zuen, eta merezitako garaipena lortu zuen. Universidad de Navarra da Erregional mailako burua, 16 punturekin. Altsasu 13.a da, 4 punturekin. Larunbatean sailkapenean seigarrena den Iruña taldea hartuko dute Dantzalekuko zelai berrian. Ea garaipenaren xendak aurrera jarraitzen duen.