Baina urtea despeditzear da, eta
enpresa kontratatzeko deialdia
egin eta hura lanean hasteko urtea
despedituta legoke. Horregatik,
Altsasuko Udalak azken bilkuran
aho batez erabaki zuen Hezkuntza
Departamentuari eskatzea
elkarrekin haur eskolarako finantziazio
plan berria egitea. Hezkuntzak
202.965 euroko diru-laguntza
eman dio Altsasuko Udalari.
Lanek, ordea, 1,5 milioi euroko
aurrekontua dute eta udalak gainontzeko
lanetarako finantziazio
laguntza mantenduko den jakin
nahi du.
Arkangoa
Altsasuko Udalak azken bilkuran
erabaki zuen Arkangoa sektoreko
hirigintza garapena atzeratzea.
2005. urtean Zuazu Moneo taldeari
alternatibak aurkezteko lana
eman zitzaion, baina, orain, udalarekin
ados kontratua suntsitzea
erabaki dute, plana ez baita martxan
jarri. Era berean, Udalak erabaki
zuen 2005etik horretarako
bideratuta zeuden 64.000 euroei
beste erabilera ematea.
Gaur egun garapen maila ezberdina
dute Altsasuko Zelandi, Otai
eta Lezaldeko bizitoki-sektoreak
eta Dermauko industria eremuak.
Baikolar moduko sektoreak lehentasunezko
bihurtu dira denborarekin.
Etxebizitza merkatuaren bilakaera
eta ingurumen eskaera
berriak ikusita, Udalak egoki jo
du hurrengo legegintzaldian hirigintza
plana berraztertzea, sektore
gehiago garatzen hasi aurretik.