Igandean Rivaseko Duatloia jokatu zen Madrilen, proba garrantzitsua, Espainiako Duatloi Txapelketarako proba sailkagarria baita. Elite mailan eta adin tarte ezberdinen mailan jokatu zen proba. Sprint distantziako proba zen: 5 km korrikan, 18,9 km bizikletan eta 2,5 km korrikan, eta 210 duatletek hartu zuten parte. Bada, Dantzaleku-Sakana taldeko Javier Borregak lan bikaina egin zuen, hirugarrena sailkatu baitzen 30 eta 34 urte arteko lasterketan. Luis Fernandez izan zen garailea lasterketa horretan (56:28), eta Javier Borrega 19 segundora sartu zen, hirugarrena (56:47). Mikel Berdud altsasuarra 44.a sailkatu zen (1:01:42). Esteban Berdud altsasuarra 40 eta 44 urte arteko lasterketan aritu zen eta 15.a sailkatu zen (59:47). Zorionak hiruei.