Altsasuko Saskibaloi klubeko taldeek -CBASK eta Clientes CAN Alsasua- asteburuan egindakoari errepasoa emango diogu. Gizonezkoen senior mailan CBASK J taldeari 67-82 irabazi zion Bar La Museria Sanduzelaik. Aldiz, CBASK F taldeak 70-52 irabazi zion Peña Azagresari. Sailkapen orokorrean Fonseca B Liceo Monjardin da liderra, 34+17 punturekin. CBASK J bosgarrena da, 26-3 punturekin, eta CBASK F zazpigarrena, 24+1 punturekin. Igandean Azagran jokatuko du CBASK J taldeak, Peña Azagresaren kontra, 11:30ean. Eta CBASK F taldeak Altsasun jokatuko du igandean, 11:30ean, Huarte taldearen kontra. Gizonezkoen junior mailako 2. maila autonomikoan CBASK Altsasuko taldeak, liderrak, 86-25 irabazi zion Zona Media CB Oliteri. Sailkapenean lidergoari eusten dio Altsasuko taldeak, 29+8 punturekin. Asteburuan atsedena izango du. Gizonezkoen kadete mailan Ardoi A taldeak 75-67 irabazi zion Clientes CAN Alsasua taldeari. Burlata A taldea da liderra, 30+15 punturekin, eta Clientes CAN Alsasua hirugarrena da, 25-2 punturekin. Larunbatean Altsasuko taldeak Altsasun jokatuko du Burlata A liderraren kontra, 9:30ean. Emakumezkoen kadete mailan atsedena izan zen, eta asteburuan hasiko da bigarren mailako hirugarren fasea. 2. mailako hirugarren faseko 7-12 postuen arteko lehiaketan, Clientes CAN Alsasua G taldeak Zizurko Ardoi D taldea hartuko du Altsasun larunbatean, 9:30ean. Eta emakumezkoen kadete mailako 2. mailako hirugarren faseko 19-24 postuen arteko lehiaketan, Noain Caja Rural taldeak Clientes CAN Alsasua J taldea hartuko du martxoaren 5ean, 13:00etan. Bukatzeko, nesken haur mailako 2. mailako lehen multzoan, Irurtzun taldeari 10-50 irabazi zion Clientes CAN Alsasuak. Lehen faseko liderra izan da Clientes CAN Alsasua 28+14 punturekin. Irurtzun laugarrena da, 22-2 punturekin. Asteburuan atsedena dute eta aurki bigarren faseari ekinen diote. Aipatutakoez gain Altsasuko saskibaloi klubak ere taldeak ditu minibasket mailan, neskena eta mutilena.