CBASK-en asteburuko emaitzak

Altsasuko Saskibaloi klubeko taldeek -CBASK eta Clientes CAN Alsasua- asteburuan  egindakoari errepasoa emango diogu. Gizonezkoen senior mailan CBASK J eta CBASK F taldeek bigarren 5-8 postuen arteko lehiaketari ekingo diote asteburuan. Horrela, larunbatean Uharte Iruñeak CBASK J hartuko du, 19:00etan, eta Noain B taldeak CBASK F igandean hartuko du, Noainen, 11:45ean. Gizonezkoen junior mailako 2. maila autonomikoan bigarren fasean dabiltza. CBASK taldeak 67-62 irabazi zion Aranguren taldeari. Aranguren da liderra, 9-1 punturekin, eta CBASK bigarrena, 8+4 punturekin. Larunbatean Iruñean jokatuko du CBASK taldeak, IES Plaza de la Cruz taldearen kontra, 10:20ean.  Gizonezkoen kadete mailan 2. faseko lehen kategoriako 1-8 postuen arteko lehiaketan murgilduta dabiltza. Clientes CAN Alsasuari tanto eskas batengatik irabazi zion Ardoi A taldeak, 67-66. Sailkapenean Burlata A taldea da liderra, 4+2 punturekin, eta Altsasuko taldea laugarrena da, 3-1 punturekin. Larunbatean Clientes CAN Alsasuak Ardoi A taldea hartuko du, 9:15ean.  Emakumezkoen kadete mailan bigarren mailako hirugarren faseko 7-12 postuen arteko lehiaketan, Zizurko Ardoi D taldeari 30-53 irabazi zion Clientes CAN Alsasua G taldeak. Altsasuko taldea da liderra, 12+6 punturekin. Larunbatean Altsasuko taldeak Burlata B taldea hartuko du Zelandin, 10:50ean. Eta emakumezkoen kadete mailako 2. mailako hirugarren faseko 19-24 postuen arteko lehiaketan, San Cernin B taldeak 42-36 irabazi zion Clientes CAN Alsasua J taldeari. Frijucar Gares liderrak 12+6 puntu dauzka, eta Altsasuko taldea 3.a da, 9-1 punturekin. Larunbatean etxean jokatuko du Altsasuko taldeak, 10:50ean, Noain Caja Rural taldearen kontra.  Bukatzeko, nesken haur mailako 2. mailako bigarren faseko 1-8 postuen arteko lehiaketan, Clientes CAN Alsasua taldeak 18-5 hartu zuen menpean Noain Caja Rural taldea. Irurtzunek, aldiz, 20-28 galdu zuen San Cernin A taldearen kontra. Clientes CAN Alsasua da liderra, 21+2 punturekin. Irurtzun 7.a da, 12-8 punturekin. Larunbatean Iruñean jokatuko du Clientes CAN Alsasua taldeak, San Cernin A taldearen kontra, 11:00etan. Eta Zizurko bidea hartuko du Irurtzunek larunbatean, 10:50ean Ardoi B taldearen kontra aritzeko.Aipatutakoez gain Altsasuko saskibaloi klubak ere taldeak ditu minibasket mailan, neskena eta mutilena.