Altsasuko Udaleko Kirol Zerbitzuak jakinarazi du dagoeneko Dantzalekuko kirol gunea kudeatuko duen pertsona lanean ari dela. Horrekin batera, azpiegitura horiek erabiltzeko baldintzak zehaztu ditu udalak. Hala, astegunetan 10:00etatik 13:00etara eta 16:00etatik 22:00etara erabilgarri egonen da azpiegitura. Asteburuan, berriz, 9:00etatik 19:00etara, edo jardueraren arabera. Aldagelak berritzeko lanak direla eta, kirol zerbitzutik erabiltzaileei egoera ulertzeko eskatu diete. PrezioakFutbol zelaiaZelai osoa argiarekin: 70 €.Zelai osoa, argirik gabe: 35 €.Futbol 7ko zelaia argiarekin: 50 €.Futbol 7ko zelaia, argirik gabe: 25 €.Futbol taldekoak, bere entrenamenduetarako, prezio murriztua izanen dute.Atletismo pista -Argirik ezta aldagelik gabe erabiltzea: doan.-Eguneroko sarrera, argia edota aldagela erabilita: 1,50 €.-Hilabeteko bonoa: 7,90 €.-Urteko bonoa: 42 €.Zelandiko abonatuak doan izanen dute pisten erabilera. Era berean, Dantzaleku Sakana klubeko federatuak (Zelandiko bazkideak ez direnak) %40ko deskontua izanen dute pistak erabiltzerakoan.AbonuakSarrerak edota bonoak egiteko, Dantzalekun bertan edo Zelandi kiroldegian egiteko aukera izango da hurrengo egunetan (azkeneko honetan bakarrik bonoak).