Bigarren urtez, 16 urtetik gorako altsasuarrek festetako kartela aukeratu ahal izanen dute. Altsasun erroldatuta daudenek epaimahaiak aurrez hautatutako kartelen arteko baten alde bozkatu dezakete. Hiru aukera dituzte: Zein ederra, Musikaz blai eta Eta bapatean... zezensuzkoa! Kartelek Altsasuko festen hiru ikuspegi erakusten dituzte. Irabazleak 600 euroko saria jasoko du. Eman botoaKartel bozketan parte hartzeko hiru modu daude: Altsasuko Iortia kultur gunean, 10:00etatik 14:00etara; 012 telefonoaren bidez, 8:00etatik 19:00etara; edo www.altsasu.net web orrian. Bozkatzeko epea uztailaren 29an, ostiralean, amaitzen da.