Amaitu dira Altsasuko festak, baina oraindik ere gure artean dirau festetako une berezien oroimenak. Horien artean dago Haize Berriak bandak larunbatean eskainitako kontzertua. Sakanako bandak kantuan jarri zituen Altsasuko pertsona eta erakunde ezagunetako ordezkariak, Hator kantari kontzertuan. Emanaldia Satur Leozek eta Amaia Mintegik aurkeztu zuten eta Tarima Beltza antzerki taldeko aktoreek girotu zuten. Herritarrek leporaino bete zuten herriko plaza.Haize Berriak bandaren gonbiteari erantzunez, zenbait altsasuar igo ziren eszenatokira: jubilatuak, Enrike Zelaia, Guaixe eta Beleixe astekariko lankideak, Erkudengo Ama abesbatza, bandako kideak, Satur Leoz... Gorka Azpilikueta gazteak giroa berotu zuen Tequila animatuarekin. Erkuden eta Itziar Floresen freskotasunak are gehiago animatu zituen ikusleak, eta herritarrak ere kantuan jarri ziren. Bereziki hunkigarria izan zen Altsasuko alkate eta alkate ohien parte-hartzea. Garazi Urrestarazuk, egungo alkateak, alboan izan zituen Gerardo del Olmo (Altsasuko Herria), Jose Manuel Goikoetxea (Altsasuko Taldea), Camino Mendiluze (Euskal Herritarrok) eta Unai Hualde (NaBai). Elkarrekin abestu zuten No volveré abestia, plaza erabat hunkituz. Emozioak lehertzez amaitzeko, Altsasuko erraldoiak plazan sartu ziren dantzan. Plaza esker onezko txalo beroan lehertu zen. Kontzertua amaitzeko, Haize Berriak bandak, txistulariek lagunduta, dantzan jarri zuten Altsasu, Zortziko arrakastatsuarekin. Festa parte-hartzeileei amaiera emateko kontzertu hunkigarria eta aproposa izan zen.