Pilota hotsen oihartzuna isildu eta musika jabetuko da Burunda frontoiaz. Aralarko Mikel Donea institutuko DBHko 1., 3. eta 4. mailetako 200 ikaslek parte hartuko dute emanaldian. Haiekin batera, Iruñeko Biurdana eta Barañaingo Alaitz institutuetako ikasleak ere izanen dira, guztien artean 250 musikariko orkestra sortuz. Institutuko musika irakasle Iñigo Aldunate Burguetek azaldu digutenez, ikasleek urte guztian ikasitakoa erakutsiko dute emanaldi horretan. "Ikasle batzuendako sekula emanen duten kontzertu bakarra izanen da" esan digu Aldunate. Altsasuko emanaldiaren ondoren, ikastetxeko 85 ikaslek Uharte Iruñean antolatuko den kontzertu erraldoian izanen dira, hilaren 13an, 15:00etan. Egitasmoak osasuntsu aurrera jarraituko duela esan digu irakasleak. LekunberrinAtakondoako DBHko 1. mailako 26 ikasleek ere parte hartu dute egitasmoan. DBH 2koak ezin izan dute, kanpamenduan zeudelako. Irurtzungo ikasleak apirilaren 26an Lekunberrin izan zen kontzertu erraldoian parte hartu zuten, etxekoen, Barañaingo Alaitz eta Iruñeko Biurdana institutuko ikasle batzuekin batera. 200 bat ikaslek jo zuten. Kontzertu erraldoi guztietan egitarau bera errepikatzen da, bost ikastetxeetako musika irakasleek hala adostuta. Egitaraua Kanta EgileaHit the road jack Ray CharlesUdako egunak GozategiCall me baby Carly Rael JepsenAzken dantza Pantxoa eta PeioWith or wituout you U2Laztana LatzenLosing my religion REMNegua joa da ta Zea MaysBegietara begira Vendetta500 urte BizardunakAltsasuko Zortzikoa Herrikoia