Larunbatean San Blaseko X. Krosa jokatu zen Lodosan, La Tejeriako motokros zirkuituan. Kategoria guztiak kontuan hartuta 150 korrikalarik hartu zuten parte. Dantzaleku Sakanako Javi Morenok irabazi zuen 4 km pasa zituen proba nagusia (14:30), Xabier Fernandez (15:05) eta Francisco J. Lopez (15:11) korrikalarien aurretik. Emakumezkoetan Naiara Casi nagusitu zen (17:59). Beteranoen mailan Juantxo Azurmendi altsasuarra 11.a sailkatu zen (16:49) eta Juan Carlos Pérez altsasuarra 14.a (17:42).
Horretaz gain, kadeteetako lasterketa (2,4 km) Dantzaleku Sakanako Oihan Pérezek irabazi zuen (11:06). Kimuen mailan (850 m) Ekaitz Pérez 8.a sailkatu zen (3:54). Zorionak denoi!
Oihan Pérezek kadeteen proba irabazi zuen