Asteburuan Espainiako Kluben Arteko txapelketako 8. jardunaldia jokatu zen. Ohorezko mailako A multzoan, eskuzko modalitatean, Altsasuk Errioxako Titin III.a taldea hartu zuen, eta altsasuarrak gailendu ziren bi partidetan. Banakakoan Onsalok 10-9 eta 10-7 irabazi zion errioxako ordezkariari, eta binakakoan Arrieta Peñasek 10-5 eta 10-4 irabazi zieten errioxarrei. Bukaerako faserako sailkatu dira altsasuarrak.
Irurtzunek atsedena hartu zuen, baina orain arte egindako lan bikainari esker bukaerako faserako sailkatuta daude irurtzundarrak.
Espainiako Kluben Arteko Pilota Txapelketako 8. jardunaldian Altsasu banakako eta binakako partidetan gailendu zitzaion Errioxako Titin III.a taldeari