Altsasuko kadeteak Nafarroako 2. Kadeteen mailatik lehen mailara egin dezakete salto, larunbatean Arrotxapearen kontra irabazten badute. Sekulako denboraldia egiten ari dira kadete altsasuarrak. Lehen fasean euren multzoko txapeldunak izan ziren, eta igoera fasean liderrak dira, asteburuan jokatuko den azkeneko jardunaldi erabakigarriaren faltan. Tartari ginda ederra jarriko liokete Arrotxapearen kontra irabazi eta lehen mailara igoko balira. Partida larunbatean jokatuko da Dantzalekun, 17:00etan, eta zaleen babesa eskatu dute altsasuarrek.
Larunbatean Arrotxapea menperatzen badute lehen mailara igo daitezke