Altsasuko abesbatza errepertorio berria lantzen gogotsu aritu da aurreko hilabeteetan eta ilusioz gainezka iritsi dira hura jendaurrean emateko egunera. Irlanda, Sardinia, AEB, Kuba, Argentina, Venezuela eta Euskal Herriko doinuez osatutako egitaraua prestatu dute biharko. Zazpi kantu berrirekin eta Altsasun sekula kontzertuan kantatu ez dituzten beste horrenbeste abestirekin osatu dute egitaraua.
Orain arte entsegutan indarra jarri du Inma Arroyo Goikoetxeak zuzentzen duen taldeak. Lana erakusteko zenbait data zehaztuak dituzte: garagarrilaren 21ean Dorraon izanen dira, garilaren 7an Urdiainen, agorrilaren 4a eta 10 bitartean Ingalaterran hiru kontzertu emanen dituzte, Santa Zezilia eta Eguberri emanaldiak. Hainbat hitzordu lotzear dituzte ere, horien artean nazioarteko beste elkartruke bat, Sardiniarekin.
Gonbitea
Erkudengo Ama abesbatzak astelehenero eta ostegunero, 22:00etan, entseatzen du Iortia kultur gunean. Kantuzaleek ateak zabalik dituzte, gizonek batez ere.
Egitaraua
Kantua Egilea
An irish blessing James E. Moore, Jr
Oh quam suavis est Javier Busto
Cherubin song Dimitry Bortnyanski
Illunbarra Mocoroa / mold.: J.A. Huarte
Orreaga R. Sarrie
Deep river Arm.: H.T. Burleigh
Swing low, sweet chariot Beltz espirituala
Memory Andrew Lloid Webber / mold.: J.L. Gorospe
Non potto reposare G.Rachel / Arm: B. Ruiu
El breve espacio en que no está Pablo Milanés / mold: Electo Silva
Adiós Transk: J.l. Gorospe)
Trabajos de la viña Damián Sánchez / Letra: Jorge Sosa
Adiós a la llanera Venezuela
Larunbatean, 20:00etan Altsasuko Iortia kultur gunean