Aurreko asteburuan Irurtzunen egin zuten jostailu truke azoka arrakastatsua. Irurtzuni erreleboa hartuta, azaroaren 29an Altsasun egingo dute jostailuen merka-truke azoka, Gure Etxean, 10:00etatik 13:00etara. Burunda Mendebaldeko Gizarte Zerbitzuen Mankomunitateak antolatuko du azoka, Altsasuko Udalaren laguntzarekin. Etxean erabili ditugun jostailuak, egoera onean daudenak, azokara eraman eta trukean beste jostailu bat hartzea. Hori da helburua. Erabilitako jostailuak azaroaren 21era arte eraman behar dira, Altsasuko Kangu ludotekara.