Ohiturari jarraituz urtarrilaren 6an egin zen Altsasuko kintoen errege zozketa. Eguerdiko 13:00etan jendez bete zen udaletxeko batzar aretoa. 1997 urtean jaiotako 31 neska eta 29 mutilek ezin zuten haien urduritasuna ezkutatu. Zeintzuk izango ote ziren festaren arduradunak? Garazi Urrestarazu alkateak lehenengo karta jokoa zabaldu zuen. Kartak nahastu eta gero nesakiei banatzen hasi zen, erdira iritsi baino lehen eguneko lehenengo bi erregeak sortu ziren: Nerea Navarro 1. erregina, Idoia Jimenez 2.a. Ondoren mutilen txanda etorri zen. Eta hauetan ere, alkateak karten erdi banatu eta gero sortu ziren erregeak bata bestearen segidan: 1. erregea Aitor Larak atera zuen eta 2.a Iosu Apestegiak. Zozketa bukatu eta gero kinta eta kinto guztien zerrenda osatu zuten.
Zortzikoa dantzatzen ikasteko entseguak urtarrilaren 7an hasiko dira eta otsailaren 3ra arte arituko dira astelehenetik ostiralera 21:00etatik 22:00etara. Andoni Beramendi eta Juan Cruz Bengoetxea arituko dira zeregin horretan. Gazteek ongi ikasteko, zortzikoa dantzatzen dakien irakasle gehiago behar dela nabarmendu dute irakasleek. Hori dela eta, deialdia egin diete zortzikoa, jota eta purrusalda dantzatzen dakitenei Burunda pilotalekutik pasatzeko gazteei irakastera.
Ospakizunak otsailaren Santa Ageda bezperan hasiko dira, otsailaren 4an. Neska eta mutilek elkarrekin ospatuko dute festa. Zortzikoak otsailaren 5etik, osteguna, otsailaren 9ra arte, astelehena, dantzatuko dituzte.
Kintak: Nerea Navarro, Idoia Jimenez, Iasone Insausti, Andrea Popa, Alexandra Fratila, Amaia Martin, Aintzane Moreno, Sheila Fernandez, Nahia Martinez, Itxaso Letona, Ainhoa Iriarte, Zaira Salazar, Olatz Gonzalez, Oihane Mazkiaran, Leire Bujanda, Aintzane Diaz, Marta Borrega, Amaia Zubikoa, Ane Cantero, Irati Bergara, Nerea Lapuente, Mirari Marcos, Nerea Llamas, Henar Cid, Ainhoa Palomino, Olatz Ariz, Maria Herrero, Olaia Granizo, Amaia Oiarbide, Aroa Ramos eta Aitana Fernandez.
Kintoak: Aitor Lara, Iosu Apestegia, Iker Grados, Eneko Garasa, Gorka Ramos, Iker Marcos, Patxi Letona, Pello Aldaz, Jonan Cob, Mikel Otermin, Xabier Ormazabal, Mikel Manero, Yuni Poblo, Inixio Amillano, Axel Gonzalez, Esteban Letona, Gorka Alonso, Mairu Ginea, Oihan Garisoain, Aiser Miño, Peio Zabalza, Jose Sanchez, Xabier Mazkiaran, Raul Claver, Kepa Paniagua, Iker Gomez, Aingeru Etxeberria, Ioar Urrizola.
