Sakanako Mankomunitateko Kirol Zerbitzuak antolatutako Sakanako II. Saskibaloi Topaketen 3. jardunaldia jokatuko da igandean Altsasuko Zelandi kiroldegian, 11:00etatik aurrera. Aipatu topaketetan premini mailako taldeak lehiatzen dira, 8 urtetik 10 urtera bitarteko neska-mutikoak, Altsasuko Saskibaloi Taldekoak, Irurtzungo Saskibaloi Taldekoak eta Andra Mari ikastolako Saskibaloi Taldekoak. Helburua saskibaloia sustatzea eta Sakanako talde eta neska-mutikoen arteko harremana bulkatzea da. Ez da txapelketa lehiakorra, eta horregatik ez da sailkapenik eginen.
Sakanako Saskibaloi Topaketak. 3. jardunaldia
Igandean, 11:00etan, Zelandin
11:00etan: Altsasuko Oreinak – Altsasuko Basurdeak
11:00etan: Etxarriko Arranoak– Irurtzungo Amuarrainak
(Etxarriko Lehoiak atseden)
Altsasuko Zelandin, igandean, 11:00etan