Nafarroan Podemos-Ahal Dugu alderdiko zuzendaritza zein den larunbatean jakinen da. Nafarroan hiru hautagaitza daude: Nafarroak Ahal Du (Joan Josep Bosch da idazkarigai nagusia), Nafarroa Aldatu Ahal Dugu (Laura Perez Ruano) eta Pertsonen Ilusioa Mantentzen (Sandra Gonzalez). Kideek 34 lagunez eta idazkari nagusiaz osatutako zuzendaritza aukeratuko dute. Idazkari nagusia alderdiaren estatuko Herritarren Kontseiluko kide izanen da. Alderdiaren hurrengo egitekoa maiatzeko hauteskundeei buruzko asmoak argitzea izanen da.
Bestalde, Altsasuko Podemos Ahal Duguk biharko herri batzarra deitu du. 19:00etan izanen da, Altsasuko Gure Etxea eraikinean.
Alderdian izena emana dutenek ostiral gauera arte dute telematikoki botoa emateko aukera.