Parkinsonaren Eguna hilaren 11n izan zen. Nafarroako Parkinson Elkarteak, Anaparrek, hainbat ekitaldi antolatu ditu herrialdean barna. Parkinson gaitz neurodegeneratiboari buruzko informazioa zabaldu eta gaixoen gizarte inklusioa sustatzea izanen da Altsasun eginen diren bi jardueren helburua. Hala, goizean, azokan Parkinsonari buruzko informazioa zabaltzeko mahaia jarriko dute. Arratsaldean, berriz, gizarte langileek parte hartuko duten mahai ingurua izanen da osasun etxean. Anaparrek Parkinsona eta elkartea bera ezagutzeko gonbitea egin du.