Gaur zabalduko du Altsasuko Udal Musika eta Dantza Eskolak heldu den ikasturterako matrikula epea, hilaren 25era arte zabalik egonen dena. Euskal dantza ikasketekin batera musika adar ofizialean eta ez-ofizialean izena emateko aukera izanen dute interesatuek. Izena eman edo informazioa nahi duenak eskolako egoitzatik pasa daiteke (astelehenetik ostegunera 15:00etatik 20:00etara edo ostiraletan 9:00etatik 14:00etara) edo 948 564 581 telefonora hots egin.
Musika ikasketa eskaintza: txistua, gaita, alboka, eskusoinua, trikitixa, klarinetea, biolina, gitarra, gitarra elektrikoa, baxu elektrikoa, tronboia, bonbardinoa, tuba, saxofoia, zeharkako txirula eta kantua.
