Polizia-errepresio indarrak alde egitea aldarrikatzen duen Ospa mugimenduak gaur arratsalderako hitzordua jarri du. Kintoen zortzikoen dantzen atsedenaldian alde hemendik aldarrikatuko duten kandela hegalariak aireratuko dituzte. 18:30etik aurrera Foru plazan haiek saltzeko postua izanen da eta denak batera aireratuko dituzte. Aurkezpenean Ospa mugimenduko kideek adierazi zutenez, “gauaren iluntasunean argi gera dadila: alde hemendik!”
Ospako kideek adierazi dutenez, “herritarren gehiengo zabal batek indar okupatzaile eta errepresiboen inguruan nahikoa da ozen aldarrikatzeko eta desmilitarizazioaren borrokan pausuak eman daitezen eskatzen ari da”. Mugimenduko ordezkarien iritziz “elkar-bizitza eta egunerokotasuna baldintzatuta dugu, kontroletan, eguneroko patruilajeetan, katxeo edo identifikazioetan. Onartezina da eta nazkatuta gaude, horregatik gauak argitzera goaz”.