Bertso boladak segitzen du. Nafarroako Taldekako Bertso Ekimenaren, Bardoak 2016ren, finala Etxarri Aranatzen jokatu zen martxoaren 19an. Hilabete pasa ez denean, Sakanak herrialdeko bertsolaritzako beste jarduera bat hartuko du: Nafarroako Eskolarteko Bertsolari Txapelketa. Apirilaren 15ean izanen da, ostiralean, 18:30ean Altsasuko Itsasi euskaltegian. 14 eta 18 urte arteko zazpi bertsolarik parte hartuko dute. Haietatik bost sakandarrak.