Altsasuko Alde Zaharreko auzotarrek laugarren urtez euren festa ospatuko dute bihar. Ferial kaleko aska ondoan goizter hasiko dira bazkarirako zikiroa prestatzen. Lana egin bitartean, 13:00etan, gosaldu eginen dute. Mahaiaren bueltan bazkaltzera 125 bat pertsona eseriko dira 15:00etan. Mahaiaren inguruan daudela kantuak ez dira faltako. Herri kirolak, zortzikoa eta bestelako dantzak eta gehiago izanen dira arratsaldean.