Koadro baten bizitza ezkutua. Izenburu hori zuen pintura lehiaketaren aurreneko edizioa antolatu dute Nafarroako Unibertsitateko Museoak eta Morras Cebrian fundazioak. Lehiaketaren helburua pintura garaikideko sormena sustatzea ikastetxe eta pintura-akademietako ikasleen artean. Bost maila izan zituen lehiaketak: Haur Hezkuntza, Lehen Hezkuntza, Derrigorrezko Bigarren Hezkuntza, pintura akademiak eta Hezkuntza Berezia. Azken maila horretako sarietako bat Isterria ikastetxearendako izan zen. Han ikasten duten bi ikasle sakandarrek jaso zuten saria.